जिला चित्रकूट, ब्लाक रामनगर, गांव देऊंधा प्रधानमन्त्री आवास योजना का सरकार लागू तौ कइ दिहिस हवै पै गरीब मड़इन का कत्तौ यहिकर लाभ नहीं मिलत हवैं। देऊंधा गांव के मड़ई भी कालोनी खातिर भटकत हवै। प्रधान कहत हवै कि 2011 के लिस्ट मा जेहिकर नाम हवै वहिका कालोनी खातिर 1 लाख 25 रुपिया आवा हवै।
शिवशरन बताइस कि मोर दूसर नाम से कालोनी आयी रहै।यहै कारन नहीं मिली आय। गांव के मड़ई मोहिका शिव गोपाल कहत हवै तौ यहै नाम से कालोनी आयी रहै। ज्ञानमती बताइस कि हमार कुछौ सुनवाई नहीं होत आय। हमें कालोनी मिली आहीं न हमार राशन कार्ड बनें आहीं। राजकुमार का कहब हवै कि हम गरीब मड़ई कउनौतान छोट छोट घर मा गुजर करित हन।
महेश कुमार का कहब हवै कि छोट भाई के नाम शौचालय बस आवा हवै थोड़ी से जमीन मा रहै खातिर घर तक नहीं बन पावत आय प्रधान हमें कालोनी नहीं देत आय।
प्रधान प्रतिनिधि भोला प्रसाद का कहब हवै कि 2016 –2017 मा लोहिया गांव घोषित भा रहै अब समाजवादी सरकार चली गे तौ योजना भी खतम होइगे हवै। 2011 के सूची मा जेहिकर नाम होई वहिका कालोनी दीन जई।
रिपोर्टर- सहोद्रा
18/05/2017 को प्रकाशित
