चित्रकूट जिले के चमरहा गाँव के प्रधान ने अपहरणकर्ताओं को दिया चकमा

जिला चित्रकूट, ब्लाक मानिकपुर, गांव चरदहा। हिंया के पूर्व प्रधान सुखलाल का 10 जनवरी का अपहरण होइगा रहै। 13 जनवरी का सुखलाल कउनौतान उनकर कैद से भाग आवा हवै ।
पूर परिवार अबै भी डेर का साया मा जियत हवै। यहिके पहिले पिछले साल भी सुखलाल का अपहरण होइ गा रहै तबै 25 हजार फिरौती दइ के छूट गा रहै ।
सुखलाल का कहब हवै कि अपहरण करै वाले मोहिका जंगल मा सगले घुमावत रहै। फेर जबै उंई टटटी होय चलै गें रहै, तबै मैं हुंवा से भाग आये हौ । तीन दिन तीन रात मैं उनके साथै रहे हौं। सुखलाल का लड़का शिवकुमार बताइस कि हम अपने बाप का सगले जंगल अउर बस्ती मा ढ़ूंढ़े हन। फेर सूचना मिले मा रुकमा खुर्द गांव से लइ के आये हन।
सुखलाल के मेहरिया चुनकीवा बताइस कि मोर मनसवा बोर अउर खेत ताके खातिर हार मा सोवत रहै। अपहरण के डेर से कउनौ लड़कन का हार मा नही सोवावत रहै, अकेले सोवत रहै। काहे से पिछले साल भी मोर मनसवा का अपहरण होइ गा रहै।बहू संतो देवी बताइस कि अपहरण होय के बाद 11 जनवरी का पुलिस का सूचना दीन गे हवै। पुलिस दुइ दरकी आयी हवै। जबै पिछले साल अपहरण भा रहै तौ 25 हजार रुपिया दीन गा रहै।
अपर एस. पी. अशोक कुमार बताइन की रैपुरा थाना मा रपट लिखाई गे रहै रपट मा कउनौ का नाम नहीं लिखावा गा रहै। जांच चलत हवै।

रिपोर्टर- नाजनी रिजवी और सुनीता

Published on 17 Jan 2017