चित्रकूट जिले के चदई क्षेत्र के लोगों ने किया चुनाव बहिष्कार – कहा सुविधा नहीं तो वोट नहीं

जिला चित्रकूट, ब्लाक मऊ, गांव चंदई हिंया के मड़ई या दरकी के विधान सभा चुनाव का वोट न डारिहै,काहे से हर दरकी विकास का वादा कइके नेता वोट लइ लेत हवै, यहै कारन गांव के मड़ई या दरकी चुनाव का बहिष्कार करिन हवैं।
नीलकण्ठ शर्मा समेत गांव के लगभग 20 मड़ई बताइन कि हमरे गांव मा रोड आय, न लाइट के व्यवस्था आय। जबै चुनाव होत हवै, तबहिन नेता अउर विधायक आवत हवै। अउर गांव के मड़इन विकास के तरह-तरह के वादा करत हवै, बाद का सब भूल जात हवैं।
नेता आउर विधायक चुनाव के समय आवत हवै बाकी समय मा झांके नही आवत कि गांव के का हालत हवै। यहै कारन हम या दरकी फैसला करे हन कि जब तक हमार गांव का पूर पूर विकास न होइ जई तब तक हम वोट न देबै । प्रधान का कहब हवै कि गांव वालेन के ऊपर पूर भरोसा हवै उंई सब हमार साथ देहैं। पूर गांव के मड़ईहमार साथ हवै जबै गांव के विकास खातिर विधायक निधि से रुपया न मिली। तबै तक हम वोट न डरबे।

रिपोर्टर- सुनीता