चित्रकूट जिले के गाँव परको का पुरवा सौता में पानी टंकी के ओपरेटर को नहीं मिला रहा वेतन

जिला चित्रकूट, ब्लाक रामनगर, गांव पराको, स्वाती का पुरवा हिंया पानी के टंकी मा आपरेटर के पद मा काम करै वाले रमेश कुमार अउर अजय कुमार का दुइ साल से वेतन नहीं मिला आय। विभाग का कइयौ दरकी दरखास दे के बाद भी वेतन नही मिला आय।
प्रधान कहत हवै कि कनेक्सन का रुपिया जमा नही करत हवै। यहै कारन वेतन नही मिला आय।रमेश कुमार का कहब हवै कि पानी के टंकी मा हम 2009 से आपरेटर के पद मा काम करब शुरू करे हन।
दिसम्बर 2014 से हमें वेतन नहीं मिलत आय। जबै से प्रधान कइत से हैण्डवर होइ गा हवै, हमे ंतबै से वेतन नही मिला आय। कउनौतान आपन काम चलाइत हन। अजय कुमार बताइस कि हमे पहिले 18 सौ वेतन मिलत रहै, अब 22 सौ मिलत हवै।
प्रधान से वेतन खातिर कहित हन तौ प्रधान कहत हवै, जेई से कहो। जेई से वेतन खातिर कहे हन,तौ जेई कहत हवै आपन प्रधान से बात करो।
अजय के महतारी एकासिया देवी का कहब हवै कि घर मा खाना नही आय ना कुछौ सामान आय। कउनौतान उधार लइ के बड़े मुश्किल से खर्चा चलत हवै।
प्रधानपति भगवानदास का कहब हवै कि पानी के टंकी के आपरेटर के लाने नवा नियम आवा हवै। जेहिमा आपरेटर मड़इन के कनेक्शन का रुपिया ग्राम पंचायत मा जमा करिहैं, तौ वा रुपिया से उनकर वेतन दीन जई। पै उंई रुपिया नही देत है। पानी के टंकी के चाभी भी नहीं देत हवैं। लडाई झगडा करत हवै।

रिपोर्टर- सहोद्रा

05/01/2017 को प्रकाशित