चित्रकूट जिले का ऐसा स्कूल जहां पढ़ते हैं केवल दलित, आदिवासी बच्चे

20 अक्टूबर 2017 को प्रकाशित

जिला चित्रकूट। हिंया के दीनदयाल उपाध्याय इंटर कालेज मा बच्चन खातिर ठीक से व्यवस्था नहीं आय यहिसे बच्चन के भविष्य के साथै खिलवाड़ होत हवै।या स्कूल मा दलित अउर आदिवासी बच्चा बस पढ़त हवैं।
लवकुश कुमार का कहब हवै कि हमार स्कूल मा मास्टर नहीं आय यहै कारन पढ़ाई नहीं होत आय।स्कूल मा पानी के टंकी नहीं आय। बाल्टी मा पानी लइ के बच्चन का शौचालय जायें का पड़त हवैं।छोट-छोट बच्चा बाल्टी उठा भी नहीं पावत आहीं।
अनूप बताइस कि हमार स्कूल मा जबै बोर्ड के परीक्षा आ जात हवै तबै स्कूल ड्रेस मिलत हवैं। ओमप्रकाश बताइस कि स्कूल मा नींक खाना नहीं मिलत आय।कच्ची अउर जली रोटी मिलत हवैं। कृष्ण कुमार बताइस कि हमार स्कूल मा गणित,रसायन विज्ञान अउर भौतिक विज्ञान पढ़ावें वाले मास्टर नहीं आहीं।स्कूल मा ग्यारह साल से पढ़त होइगे पै हिंया कउनौ व्यवस्था नहीं आय बच्चा ज्यादा हवै मास्टर कम,यहै कारन पढ़ाई नहीं होइ पावत आय यहिसे हमार भविष्य ख़राब होइ जई। स्कूल के प्रधान अधीक्षक मनोज कुमार मिश्रा का कहब हवै कि स्कूल मा आठ मास्टर हवैं अउर बीस पद मा काम करत हवै।स्कूल मा मास्टर बढ़ावै खातिर डी.एम  का सूचना दीने हन।

बाईलाइन-नाजनी रिजवी सुनीता देवी