जिला चित्रकूट, ब्लाक पहाड़ी, गांव बेराउर केवट जाति के 50 परिवार रहत हवै। पै अब तक कउनौ का राशन कार्ड नहीं बना आय,गरीबी अउर भुखमरी से जूझत हवैं। मड़ई ब्लाक अउर जिला के चक्कर काटत रहत हवैं। पै कउनौ अधिकारी ध्यान नहीं देत हवै।
उमा देवी बताइस कि तीन.चार महीना पहिले राशन बना हवैं पै गल्ला नहीं मिलत आय, कोटेदार कहत हवै कि तुम्हार नाम सूची मा नहीं आय।
उर्मिला बताइस कि कुछ नहीं मिलत आय तीन दरकी मिला हवै, अउर अब नहीं मिलत आय। कोटेदार कहत हवै कि तुम्हार नाम कट गा हवै। गीता बताइस कि दुइ महीना पहिले गेंहू चावल मिला हवै फेर नहीं मिला एक साल होइ गें हवै पै अब दूसर राशन कार्ड नहीं मिलत आय।
ननकू बताइस कि राशन कार्ड बनवावा रहै। ऊपर से बन के आ गा पै कोटेदार गल्ला नहीं देत आय वोट ले के दरकी नाम आ जात हवै राशन कार्ड के खातिर नहीं आवत आय। महेश कुमार निषाद, बताइस कि सब अधिकारिन का लिख के दरखास देत आहूँ। आपन समस्या बताये हौं। पै सुनवाई नहीं होत आय। लगभग डेढ़ महीना से।
सचिव चंद्रभान सिंहका कहब हवै कि कोटेदार के लगे सूची रहत हवै।नम्बर का आधार उनकर राशन कार्ड बना है कि नहीं।राशन कार्ड सूची दुबारा सत्यापन के लाने भेंजी गे हवै।पात्र मड़इन के राशन बनवायें जइहैं ।
रिपोर्टर- नाजनी रिजवी
26/04/2017 को प्रकाशित
