जिला चित्रकूट, गांव चकमाली के चकमाली गांव मा सुमित नाम के लड़का का अपहरण 2 सितम्बर का कइ लीन गा। अपहरण करै वाले 40 लाख रुपिया के मांग करिन रहैं। रुपिया न मिलै के कारन सुमित के हत्या 7 सितम्बर कई दीन गें।
सुमित के बहिनी पूजा दुखी होइ के बतावत हवै कि सुमित पड़ोसी जुगुल के दुकान मा गा रहै साढ़े नौ बजे तक तौ हमैं कउनौ चिंता न रहै, पै दस बज गें तबै मैं आपन महतारी के साथै घर के बाहर गइंव तौ हुवां पता लाग कि वा दिना तौ सुमित दुकान मा नहीं गा रहै। तबै हम कर्वी कोतवाली मा सुमित के गायब होय के रपट लिखवायन।
पड़ोसी सत्यनारायण या घटना के बारे मा कहत हवै कि मोबाइल मा मैसैज आवा रहै जेहिमा सुमित के अपहरण के बात पता लाग। अपहरण करैं वाले 40 लाख रुपिया के मांग करत रहैं। सुमित बिल्कुल सीध लड़का रहै वहिके कउनौ से दुशमनी नहीं रहै पता नहीं वाहेका कउन अपहरण कइ लीन हवैं। सुमित तौ नहीं मिला पै 7 सितम्बर का वाहेका हत्या के खबर सुने का मिल गे हवै या कारन परिवार का रो रो के हाल ख़राब हवै।
कर्वी कोतवाली के कोतवाल सत्यपाल सिंह या अपहरण के बारे मा बतावत हवैं की अपहरण करै वाले रुपिया न मिले के कारन सुमित का जान से मार डारिन हवैं।
सुमित का जान से मारै वालेन मा से कुछ लोग का पकड़ लीन गा हवैं। अउर पूंछताछ चलत हवैं। बाकी लोगन का भी जल्दी पकडा जई।
रिपोर्टर- शिवदेवी और मीरा जाटव
चित्रकूट के चकमाली गांव में सुमित नाम के लड़के का अपहरण हो गया है
कर्वी कोतवाली में मुकदमा दर्ज
