बन्द परा उपस्वास्थ्य केन्द्र
जिला चित्रकूट, ब्लाक रामनगर, गांव रामपुर। हिंया के आबादी लगभग डेढ़ हजार हवै। दुइ बरस पहिले उप स्वास्थ्य केन्द्र बना हवै। अबै तक चालू नहीं भा। या कारन हिंया के मड़ई छोट बीमारी मा भी पन्द्रह रूपिया लगा के रामनगर आवत जात हवै।
मुन्नी, आरती, लगभग पन्द्रह लोगन का कहब हवै कि उप स्वास्थ केन्द्र सरकार दुइ बरस पहिले बनवाइस रहै। अबै तक कउनौ डाक्टर ए.एन.एम. नहीं बइठत आय। या कारन हिंया के रहै वाले मड़इन का परेशान होय का परत हवै। हर मौसम मा अलग-अलग बीमारी होत हवै। बरसात मा फोड़ा फुन्शी मलेरिया का बुखार गर्मी मा मलेरिया का बुखार होत हवै। या समस्या से कउनौ न कउनौ बिमार रहा आवत हवै। इं बिमारी का लइके पूर दिन का नुकसान कर अउर किराया लगा के रामनगर अस्पताल जाये का परत हवै। वन्दना ए.एन.एम आवत हवै। आगनवाड़ी केेन्द्र मा टीका करण कर चली जात हवै।
वन्दना ए.एन.एम का कहब हवै कि उपकेन्द्र अबै तक हैण्ड ओवर नहीं रहै। रामनगर अस्पताल के प्रभारी एन.के. कुरैचिया का कहब हवै कि डी.एम. के आदेश से सबै जघा उप केन्द्र के ए.एन.एम उपकेन्द्र खोलिहैं अउर प्रधान से प्रमाणित करवा के देहैं के उप केन्द्र खोलत हवै कि नहीं न खोलिहैं तौ वेतन काटा जई।