टुटही सड़क
जिला फैजाबाद, ब्लाक मया, ग्रामसभा रजपलिया मजरा बलरामपर। दिसम्बर 2012 से चार किलो मीटर सड़क बनब शुरू भै बाय। छः महीना होइगा बनत अबहीं तक सड़क नाय बनीं। दुई महीना से पत्थर परिके काम बन्द बाय। वही से जुड़ी करियाबाबा सम्पर्क मार्ग से होय के मदरा भट्ठा कै सड़क चार महीना पहिले बनी रही अब उजरि गै।
गांव कै शिवकरन, विमला देवी, अनारा बताइन कि ई रास्ता बनब खाली दिखावा आय कि हिंआ रास्ता बनत बाय। सड़क ऊबड़-खाबड़ हुवै से साइकिल या पैदल चलै मा दिक्कत हुआ थै। काहे से गिट्टी डारि के छोड़ दीन गै बाय। अगर यही तरह से बने तौ चार-पांच साल लाग जाये। बराबर गाड़ी चलाथै तौ एक्सीडेन्ट भी होय सका थै।
वही सड़क से जुड़ी करियाबाबा मोड़ से मदरा भटठा तक कै तीन किलो मीटर सड़क चार महीना पहिले बनी रही जवन उजरि जात बाय। जगह-जगह गड़हा होय जात बाय। यहि तरह से सड़क बनाये कवन फायदा।
सहायक अधिषासी अभियन्ता इ.बी.पी. सिंह आर्य बताइन कि हिंआ से बजट पास होय गै। भेज दीन गा बाय। यकै जिम्मेदारी ठेकेदार अभयसिंह विधायक कै हुआ थै।
