महतारी राम दुलारी का लेवा के तिन्दवारी थाना मा दरखास दें आई माया
जिला बांदा, ब्लाक तिन्दवारी, गांव मूंगुस। हेंया के माया का 14 दिसम्बर का तिन्दवारी थाना रपट लिखवैं आई रहैं। काहे से वहिकर मनसवा 14 दिसम्बर 2013 का मारपीट कइके घर से निकार दिहिस है।
माया कहिस-“मैं 15 साल से अबै तक मनसवा के मारपीट सहे हौं। फेर भी वहिकर जी नहीं भर जेहिसे मोहिका अउर चारौ बच्चन का निकार दिहिस है। यहिसे मैं अपने मइके चली आई हौं। मोर माइक बांदा शहर का मोहल्ला छाबी तालाब आय। मैं अपने महतारी राम दुलारी का लेवा के थाना तिन्दवारी मा रपट लिखावैं आई हौं। मारपीट मा मोर कान का परदा फाट गा है। मोहिका सुन तक नहीं परत आय।”
मनसवा मुन्ना का कहब है कि या मोर कहा नहीं लेत रही आय तौ मैं मार दीने हौं अउर दारू का बहाना करत है। तिन्दवारी थाना का दरोगा अब्दुल रज्जाक का कहब है कि या मेहरिया मनसवा के लड़ाई आय। पहिले समझौता करावा जई। न मनिहैं तौ फिर कारवाही कीन जई।