घर छोड़, बाहर निकरे

चित्रकूट जिला मा 25 अप्रैल का दिन मा लगभग ग्यारह बज के चवालिस मिनट मा सात मिनट तक भूकम्प आवा। भूकम्प आवैं से मड़इन के बीच हड़कम्प मच गा। वा दिन के दहशत मड़इन के दिल मा आज भी हवै।
ब्लाक कर्वी, कर्वी कस्बा मुहल्ला भरतपुरी के शैलू का कहब हवै कि दिन मा जब भूकम्प आवा तौ समझ नहीं पायेंव कि भ्ूाकम्प आवत हवै। मैं समझत रहौ कि आज ज्यादा राजश्री खा लीने हौं यहिसे चक्कर आवत हवै। काहे से कि मोर कुर्सी खूबै हिलत रहै।
ब्लाक रामनगर, कस्बा राजापुर। हिंया का रहैं वाला भूपेन्द्र कहिस कि भूकम्प आवैं से मोर छत मा दरार पर गें हवंै। हम लोग आपन घर से रोड मा बाहर निकर गये रहेन।
ब्लाक मऊ, कस्बा मऊ के अशोक, निखिल अउर बाला जी का कहब हवे कि हम लोग सोना के जोड़ाई करत रहेन। अचानक जमीन डोलै लाग। हमार दीवार मा दरार आ गें हवैं।