घटना स्थल पै मौजूद मनई
जिला फैजाबाद, ब्लाक मया, ग्रामसभा काजीपुर मांझा। हिंआ 27 अप्रैल 2016 का विजली के शार्ट शर्किट से तेरह घर मा आगि लागिगै। जेहमा एक पांच साल कै लड़की अउर एक भइस जिन्दा जरिगै।
मृतक लड़की कै अम्मा गीता चैहान बताइन कि बिजली के तार से आगि लागिहै। पांच साल कै सुनैना घरमा टीबी देखत रहीं। अचानक सुबह दस बजे बिजली आवै पै आगि लागिगै। आगि बुझाावै के डेढ़ घंटा बाद काफी खोजबीन के बाद गेहू मा जली लाश मिली। आशा देवी कै कहब बाय कि ट्रैक्टर अउर मोटर साइकिल ठेला कइयौ साइकिल जरिगै। वहीं प्रभावती कै दुई बोरी सरसो पांच बोरी गेहूं जरिगै।
प्रधान प्रतिनिधि रामबहाल अउर लेखपाल रामकुमार बताइन कि विधायक अभय सिंह आपदा राहत के तहत सात हजार नौ सौ रुपया कै चेक अउर अपने तरफ से एक एक हजार रुपया अउर एक एक साड़ी दिहिन। लड़की के पिता का चार लाख कै मुआवजा अउर दीन जाए कै मांग भै बाय।