ग्रामीण करिन सड़क जाम

जिला फैजाबाद, ब्लाक तारून गांव पड़ेलवा। 4 अक्टूबर का दोपहर मा लगभग बत्तीस साल के फूलचन्द्र वर्मा कै तमसा नदी पुल पै गोली मारिके हत्या कै दीन गै। जेकरे विरोध मा ग्रामीण रोड जाम कइके आर्थिक यहायता अउर अउर मेहरारू का नौकरी दियै कै मांग करिन।
पड़ेलवा गांव के फूलचन्द्र कै हत्या रविवार का दिनदहाड़े गोली मारिके बरेहटा गांव के पास तमसा नदी पुल पै कै दीन गै रही। घटना के बाद बदमाश वहिसे भाग गा रहे। जब पुलिस गोली मारै वालेन कै कउनौ सुराग नाय लगाय पाइस तौ 5 अक्टूबर का मृतक कै मेहरारू अर्चना, दादी पूरे गांव क्षेत्र के मनइन के साथे सड़क पै उतर आइन। चैराहा पै बांस बल्ली तखत मेज रखिके जाम लगाय दिहिन। बीस लाख रूपया मेहरारू का पेंशन दियै पै अड़ा रहिन। धरना मा बैठी मृतक कै मेहरारू,दादी कै तबियत बिगड़ गै। जेसे डाक्टरन कै टीम भी बुलाई गै। डाक्टर के अनुसार अर्चना गर्भवती रही जेसे उनकै हालत ज्यादा बिगड़ गै। तारून सामुदायिक स्वास्थ्य केन्द्र इलाज के ताई भेज दियागै। एस. डी. एम. के अश्वासन पै धरना समाप्त भै।
थानाध्यक्ष कृष्ण कुमार गुप्ता बताइन कि 302 हत्या कै रिपोर्ट दर्ज कइके जांच कीन जात बाय जल्दी गिरफ्तारी होये।