गैस कनेक्शन के नाम पै फर्जी वसूली

जिला अम्बेडर नगर, ब्लाक टाण्डा गांव अवसानपुर। हिंआ 27 मई का मौर्या गैस एजेन्सी उतरेथू के नाम पै पैसा वसूली करत समय पकरा गइन दुई युवक।
अवसानपुर कै प्रधान वंशराज वर्मा बताइन कि 27 मई का मौर्या गैस एजेन्सी उतरेथू गैस कनेक्शन के नाम पै घर घर सौ सौ रुपया वसूली करत दुई युवक जब हमरे घरे पहुंचिन तौ हम एजेन्सी मसलिक मौर्या का फोन से सूचना दिहन। तौ वै बताइन कि हम केहू का नाय भेजे हई। दुइनौ युवक से पूछताछ कै जाए लाग तौ वै भागय लागिन। उनके गाड़ी पै प्रधानमंत्री उज्जवल योजना कै पोस्टर भी लाग रहा। गांव वालेन के मदद से दुइनौ युवक का पकरागै। अउर पुलिस का सूचना दीनगै। मौके पै पहुंची पुलिस दुइनौ युवक का गिरफ्तार कै लिहिस।
इब्राहिमपुर थाना कै थानाध्यक्ष विजय कुमार बताइन कि दुइनौ युवक का गाड़ी सहित गिरफ्तार कै लियागै रहा। गाड़ी नम्बर यू.पी. 42डी 533डी आय। केहू के द्वारा कउनौ मुकदमा न लिखावै से आरोपियन का छोड़ि दियागै।