जिला फैजाबाद, ब्लाक पूराबाजार, गांव- शहनेवाजपुर, आशिकबाग, दर्शन नगर, बिजलिया डिण्ड, तिवारी का पुरवा। इतना गांव मा बिजली कै बिल न जमा हुवै से घर-घर जायकै तार काट दिहिन।
भारती, राधा, भानमती, संतोष, शिवशंकर बताइन कि हमरे सबकै बहुतै दिन से पैसा बाकी बाय बिजली कै यही कारण आय कै हमरे सबै कै तार खम्भा से काट दिहिन अब घर मा आंधियार रहत थै। अउर कहिन कि जब पैसा जाम करवू तब तार जोड़ा जाय।ं
जेई राम मनोहर यादव बताइन कि जेकै बिजली कै बिल नाय जमा बाय वैके तार काट दिया जात बाय। काहे से ऊपर से आदेश आय बाय कि जेकै बिल नाय जमा बाय वैके तार काट दिया जाय। अउर घरै-घरै जाय कै बिल चेक कै के तार काटै का दिहे हइन। यहि कारण हमरे सबै ई काम मा जुड़ा बाटि अबही जब तक पूरा ना होये तब तक ई काम मा लाग रहब।