गांव कै सफाई व्यवस्था बदहाल

जिला फैजाबाद, ब्लाक पूराबाजार अउर तारुन। सफाई कर्मियन कै ड्यूटी पहिले मेला अउर अब चुनाव मा लागै से गंावन अउर स्कूलन मा सफाई व्यवस्था काफी बदहाल बाय। जगह-जगह गन्दगी पसरी बाय।
पूराबाजार के गांव बंधवा कै साधूराम अउर राजपति बताइन कि यहि गांव मा सफाई कर्मी कभौं देखाय नाय परतिन। कूड़ा से नाली पटी बाय। हमरे सब आज तक नाय जानित कि हिंआ के कै न्यूक्ति भै बाय। प्रधान राधेश्याम यादव बताइन कि एक सफाई कर्मी का बारह गांव अउर चार स्कूल देखै का पराथै कहां-कहां साफ करै। यही मा चुनाव मा भी ड्यूटी लागि गै बाय। ब्लाक से अउर सफाई कर्मी कै मांग करे हई।
तारुन ब्लाक के खमपुर गांव मा भी काफी गन्दगी पसरी बाय। सफाई कर्मी कमलेश बताइन कि खडन्जा पै जानवर गांव कै मनई बांधाथिन जेसे खडन्जा अउर नाली मा पूरा कीचड़ भठि जाथै। एकतौ नाली नाय बाय दुसरे सफाई करै जाए तौ गांव कै मनई बहुत लड़ाई कराथिन।