गांठ भर कीचड़ से निकरब मुश्किल

जिला फैजाबाद, ब्लाक तारुन, गांव  पारागरीबशाह। हिंआ लगभग दुई सौ मीटर सड़क पै खडन्जा न लागै से गांव  भर पानी अउर कीचड़ से होइके निकरै कै मजबूरी बनिगै बाय।
हृदयराम, रामजियावन कै कहब बाय कि यहि सड़क पै काफी समस्या बाय। दुइनौ तरफ से खडन्जा लागिगै लकिन बीच मा न लागै से गांठ भै पानी कीचड़ से निकरै का पराथै। पारा गांव  से देवकली गांव  मा जाए के ताई काफी समस्या यहि रोड से बाय। पैदल चलब मुश्किल भै बाय तौ साइकिल से कवन मेर चलै।
गंाव के मनईन कै कहब बाय कि वहि क्रेशर लाग बाय। क्रेशर वाले से मुकदमा चलत बाय। वही से वै सड़क बनै नाय दियत अहैं। काफी प्रयास कीन गै लकिन खडन्जा नाय लाग। अगर वतनी दूर खडन्जा लागि जात तौ गांव  के मनईन का राहत मिल जात।
प्रधान बरसाती वर्मा बताइन कि वका बनुवावै कै काफी प्रयास कीनगै। जे क्रेशर लगुवाये बाय वसे मुकदमा चलत बाय। यही से नाय बनि पाय।