पानी पाउच से बुझाउत प्यास
जिला महोबा, ब्लाक जैतपुर, कस्बा कुलपहाड़। एते के आदमियन को आरोप हे चेयरमैन पानी को पोसरा नई धरवाउत हे। आये-जाये वाले यात्रीयन खा पाउच को पानी पिये खा मजबूर हे। ईखो ध्यान जिम्मेंदार आदमी नई देत हे।
शीला ओर प्रियंका बताउत हे की एसी धूप में बिना पानी के एक घण्टा नई रह जात हे। अभे कोनऊ चैराहे में पिये को घड़ा में नई धराओ हे। धूप कम होय के बाद खाना पूर्ति खा घड़ा में भर के धरवा दओ जेहे। काय से ज्यादा आदमी सफर नई करत हे। अभे सहारक हे तो आदमी ज्यादा दूर-दूर से आउत जात हे।
मैकू ओर गिरजा कहत हे कि अगर पानी धरो हो तो तो काय खा दो रूपइया को पाउच खरीद के पीते। अगर खुला रूपइया न हो तो आदमी प्यासो मर जाये।
कुलपहाड़ नगर पंचायत की चेयरमैन विमला अनुरागी को आदमी गोपीबाबू बताउत हे अभे तक ज्यादा गर्मी नई होत हती। जीसे पानी की व्यवस्था नई करी हे। अब ज्यादा गर्मी होन लगी हे तो चैरहे मे घड़ा भरवा के धरवा दये जेहे।