गरीब मड़ई परेशान हवै हडताल के कारन

आंगनवाडी आपन वेतन बढ़ावै के मांग का लइ के लगभग एक महीना से हडताल करत हवै। मांग पूरी न होय के कारन या हडताल अब भूख हडताल मा बदल गे हवै। भूख पियास के कारन कइयौ आंगनवाडी बेहोस होइ के गिर गे हवै। जेहिके इलाज खातिर उनका अस्पताल मा भर्ती कीन गा हवैं। येतता सब कुछ होय के बादौ आंगनबडीन के कउनौ सुनवाई नही भे आय। लगातार येते दिन से हडताल के कारन गरीब आंगनवाडी हवै। उई कसत आपन खर्चा चलावत होइहै। रोज रोज उंई कसत रुपिया पइसा लगा के पता नही केटी दुरी से आवत होइहैं। आंगनवाडी के हडताल के कारन गरीब बच्चा जउन स्कूल नही जा पावत आही उनकर पढाई का नुकसान होत हवैं। नवजात बच्चा और गर्भवती मेहरियन के भी समय से टीका नहीं लागत आहीं अउर दवाई मिलत आय। येहिसे या हडताल से आंगनवाडी समेत बहुतै मड़ई परेशान हवै।
सरकार का इनतान के हडताल खतम करै खातिर ठोस कदम उठवै का चाहीं। जेहिसे आंगनवाडी का लाभ गरीब मड़इन का मिल सकै। अउर आंगनवाडी का भी रोज रोज हडताल न करे का पड़े।