जिला बांदा, ब्लाक तिंदवारी, गांव पलर मा चारों कइत तेजी से बीमारी फइलत है। हेंया के मड़इन का कहब है कि हमार गांव मा गन्दगी बहुत है यहै कारन मड़ई बीमार पड़त हैं।
रोहित का कहब है कि बूढ़, बच्चा अउर जवान सबै गन्दगी के कारन बीमार हैसरकार का गन्दगी के सफाई करावा चाही, नहीं तौ एकौ मड़ई न बचिहैं। रामदयाल गुप्ता का कहब है कि हेंया कइयौ साल से सफाई नहीं होत आय सफाईकर्मी प्रधान के दरवाजा तक सफाई करत हैं। टिर्रा का कहब है कि खांसी, बुखार अउर जुकाम मा बहुतै बच्चा बीमार हैं, दवाई करावै का भी रुपिया नहीं आय। विजय कुमार का कहब है कि हेंया आबादी के हिसाब से दुई-तीन सफाई कर्मी होवा चाही। प्रधान से संख्या बढ़ावै का कहे हन पै प्रधान ध्यान नहीं देत आय।
प्रधान चन्द्रपाल का कहब है कि बीडीओ से या समस्या के बारें मा कहे हौं पै सुनवाई नहीं होत आय।
एडीओ पंचायत राणा जी का कहब है कि एक सफाई कर्मी कहां तक सफाई करी।
रिपोर्टर- शिवदेवी
