खेत तक नाय पहुंचत पानी

जिला फैजाबाद, ब्लाक तारून गांव सीहीपुर कुआंडाड़। यहि गांव के सरकारी ट्यूबेल कै नाली न बनै से खेत तक पानी नाय पहुंचत। लगभग ढाई हजार आबादी कै मनई कै परेषानी बाय।
सीहीपुर कै संजय जीवन कै कहब बाय कि यहि समय बरसीम आलू उड़द जैसे फसल कै खेती करै का बाय जेहमा पानी लागै। लकिन ट्यूबवेल बिना नाली कै चलत नाय जेसे खेती कै सिंचाई न होय पावत। कउनिव तरह मनई फसल तैयार कराथै। जब पानी कै जरूरत रहाथै तौ नाय मिलत। कुंआडाड़ कै ट्यूबवेल जवन बाय वकै नम्बर 306 बी. जी. आय। यहि सरकारी ट्यूबवेल कै नाली नाय बनीं बाय। जेसे चलत नाय।
राधा दुलारी कै कहब बाय कि ट्यूबवेल तौ बनि जाथै लकिन नाली न बनै के कारण सबसे बड़ी दिक्कत रहाथै। ट्यूबवेल के साथ नाली बनि जाए का चाही। नाहीं तौ ट्यूबवेल लागे कवन फायदा। ट्यूबवेल किसानन के सुबिधा के ताई लागाथै जेसे किसान का सुबिधा मिल सकै। अउर फसल कै अच्छी पैदावार हुवय।
नलकूप विभाग कै अवर अभियन्ता (जे.ई.)नेबूलाल बताइन कि नाली के ताई प्रस्ताव भेजा गै बाय। बजट आवै के बाद नाली निर्माण अउर मरम्मत कराय जाये।