खुलगे गेहूं केन्द्र

जिला चित्रकूट, ब्लाक मानिकपुर, कस्बा मानिकपुर। हिंया 1 अप्रैल 2013 से गेहूं खरीदै के समिती शासन कइती से खुल गे हवै। या कारन से लगभग हजारन किसान मड़ई बहुतै खुश हवैं। काहे से कि गेहूं बेचै मा परेशान होय का परत रहै।
मारकुन्डी कस्बा के मदन ऐलहा गांव के दस लोगन का कहब हवै कि पहिले कर्वी गेहूं बेचै जात रहेन, पै अब सरकार कइती से समिती खुल गे हवै तौ नींक होइगा। किसानन का काहे से तीस किलो मीटर कर्वी जाये का परत रहै। जबै उनका गेहूं बिकत रहै। या से किसान बहुतै खुश हवैं।
या बात का लइके केन्द्र समिती के सचिव राममिलन से बात कीन गे तौ उनकर कहब हवै कि हिंया दुइ समिती रही हवैं। उंई खाद बीज के समिती रहै अब या समिती शासन कइती से गेहूं खरीद के समिती हवै। या से 15 अप्रैल 2013 से किसान का नम्बर लगा के गेहूं खरीदा जात हवै। गेंहू का दाम तेरह सौ पचास रूपिया कुन्टल होइ।