खबर लहरिया ताजा खबरें खाली परे जाॅब कार्ड, नई मिलत काम

खाली परे जाॅब कार्ड, नई मिलत काम

काम की करत मांग

काम की करत मांग

जिला महोबा, ब्लाक कबरई, गांव कुम्हड़ौरा माफ, दलित बस्ती। एते के दसन आदमियन ने प्रधान के काम में मनमानी को आरोप लगाओ लगाओ हे। 2009 के बने जाॅब कार्ड में कोनऊ भी आदमी खा एक साल को काम नई मिलो हे। जीसे आदमी काम की मांग करत हे।
गुलाब पुत्र बिन्दा ने बताओ कि हमाये जाॅब कार्ड 2009 में बने हते। जीमें कोनऊ खा पन्द्रह दिन तो कोनऊ खा पचीस दिन काम मिलो हे। सरोज, ध्रूराम ओर रामबाबू ने बताओ कि हमाये एक कार्ड में दो आदमियन को नाम हे। जभे कि हम सब को अलग-अलग परिवार हे। हमाये जाॅब कार्ड संख्या 137, 77 ओर 142 हे। सुनीता ने बताओ कि एक तो प्रधान काम नई कराउत हे। अगर कराउत भी हे तो अपने पहचान जा फिर दूसर गांव के आदमियन खा काम में लगाउत हे। हमें तो पता भी नई चलत हे। प्रधान शान्तिबाई के आदमी राजाराम ने अपनी सफाई में कि में गांव में काम करें खा मुनादी कराउत हों आदमी खुद काम नई करें चाहत हे। एई से दूसरे गांव के आदमियन खा काम मे लगाउत हे।
बी.डी.ओ. ओमप्रकाश ने बताओ कि जोन आदमियन खा काम नई मिलत हे, काम करें चाहत हे तो हमाये एते एक दरखास देय। पन्द्रह दिन के भीतर काम दओ जेहे। अगर पांच किलोमीटर से ज्यादा दूरी में काम करहे तो ऊखो किराया भी दओ जेहे।