खबर लहरिया ताजा खबरें खाद खा भटकत

खाद खा भटकत

रिवई गांव के किसान

रिवई गांव के किसान

जिला महोबा, ब्लाक चरखारी, गांव रिवई। ई गांव की साधन सहकारी समिति में पन्द्रह दिन से यूरिया खाद नइयां। जीसे ई समिति के खाता धारक किसान खाद लेय खा परेशान हें।
चन्द्रशेखर,सन्तोष बाजपेई, रामसहाय ओर जगदीश ने बताओ कि पेहले बरसात न होय खे कारन समय से बोनी नई हो पाई हती। अब फसल में खाद की जरूरत हे तो समिति में खाद नइयां। रिवई साधन सहकारी समिति के सचिव बुद्धराम ओर खाद विक्रेता सुखलाल ने बताओ कि बैंक में 82 लाख रुपइया को कर्जा हो गओ हे। आदमी खाद-बीज लेय खे बाद रुपइया नई जमा करत आय। दो साल से आदमियन के खाता में खाद नई देत हे। एसई कबरई ब्लाक सिरसीकलां गांव के मोहन ओर सत्तीदीन पहरा गांव के छंगू ने बताओ कि हमाओ सहकारी समिति में खाता होय के बाद खाद न मिले खे कारन पूरी फसल सूखी जात हे। महोबा एस.डी.एम. राकेश कुमार गुप्ता ने बताओ कि खाद फैक्ट्री से पूर्ति भर नई आउत आय। काय से हर जघा किसानन मे खाद की मांग ज्यादा हे। एई से खाद नई मिल पाउत हे। जित्ती खाद समिति में हे ऊखे पुलिस बल से बांटी जात हें जीसे किसानन में लड़ाई न हो।