क्यों रुका है चित्रकूट जिले के पहाड़ी ब्लॉक के सोहगा तालाब का सुन्दरीकरण

चित्रकूट के पहाड़ी ब्लाक मा सोहगा तालाब बीस साल से आपन सुन्दरीकरण का इंतजार करत हवैपै प्रशासन के लापरवाही अउर जनता के अतिक्रमण के कारन या तालाब का सुन्दरीकरण नहीं होइ पावा आय।
प्रधान प्रतिनिधी वीर बहादुर सिंह का कहब हवै कि पहिले तालाब मा गन्दगी तौ रहै पै अतिक्रमण नहीं रहा आय। अतिक्रमण हटावै खातिर कइयौ दरकी दरखास दीन गें हवै पै सुनवाई नहीं होत आय। विश्व प्रकाश का कहब हवै कि घर का गंदा पानी अउर कूड़ा या तालाब मा जात हवै। भोला बताइस कि पहिले या तालाब मा मड़ई अनाज,कपड़ा धोवत रहै अउर नहात रहै। तालाब का पानी पिया भी जात रहै, पै घर बनें से पूर तालाब मा गन्दगी होइ गें हवै।
ग्राम विकास अधिकारी दयाकरण सिंह का कहब हवै कि तालाब मा कुछ गांव के कुछ बाहरी मड़ई कब्जा करे हवै, यहै कारन तालाब मा काम नहीं करावा जात आय अउर यहै कारन सुन्दरीकरण का प्रस्ताव नहीं दीन गा आय।

रिपोर्टर- सहोद्रा

Published on Feb 2, 2018