क्या यही है देवी पूजा? चित्रकूट जिले रज्जो नाम की महिला की आग लगने से मौत

चित्रकूट, ब्लाक कर्वी,  गांव कसहाई। नवरात्री के दिन चलत हवै एक कइत मड़ई देवी के पूजा करत रहे हवै तौ दूसर कइत मेहरिया का जला के मारत हवै। रज्जू का वहिके ससुराल वाले जलाके मार डारिन हवै। ससुराल वाले कहत हवैं कि चूल्हा मा आगी लागे से वहिके मउत भे हवै। मइके वाले कहत हवैं हमार लड़की का जला के मारिन हवै काहे से चूल्हा के लगे आगी नहीं रहै बिलकुल साफ़ सुथरा पड़ा रहै। डाक्टर हरिचन्द्र  का कहब हवै कि रज्जू सौ प्रतिशत जल गे रहै बयान मा वा बताइस हवै कि खाना बनावत समय जली हवै।
रज्जू के महतारी फूलवती का कहब हवै कि तीन महीना से ससुराल वाले मोर लड़की से बात नहीं करावत रहै लड़ाई  होत रहै यहै कारन वहिका जान से मार डारिन हवै। रज्जू के चाचा राजा भइया बताइस कि रज्जू जिला अस्पताल मा भर्ती कीन गा रहै तबै वा बताइस कि ससुराल वाले आगी लगा दिहिन हवै।
रज्जू का मनसवा उमेश बताइस कि मैं सोवत रहे हौं चूल्हा से पता नहीं कसत आगी लाग गे हवै हमार कउनौ लड़ाई झगड़ा नहीं होत रहै।

बाईलाइन-नाजनी रिजवी

28/09/2017 को प्रकाशित