देवलक्ष्णी देवी
जिला शिवहर, प्रखण्ड तरियानी, गांव घोरहा पूनर्वास टोला। उहां के देवलक्ष्णी देवी के आई तक इंदराआवास न मिलल हई। उ पंचायत से लेके प्रखण्ड तक दौर गेलथिन लेकिन कोई सुनवाई न भेलई।
देवलणी देवी कहलथिन कि हमरा पति के मरला लगभग छौ साल हो गेलई। लेकिन हमरा आई तक इंदिरा आवास न मिलल। चार गो बेटा हई सब के मिल गेलई लेकिन हमरा न मिलल। बेटी के घर में रहई छी। सब के हमरा जाति में मिलई छई लेकिन हमरा कयला न मिलल से हम न जनई छी। केतना बेर पंचायत के लोग के कहली लेकिन कोनो न सुनलथिन।
पंचायत समिति मोहम्मद इस्माइल कहलथिन कि उनका सब बेटा के त मिलीये गेल हई, अब उनका मिलल हई कि न से हम न जनई छी।
प्रखण्ड विकास पदाधिकारी विनय कुमार सरस कहलथिन कि अगर उनकर काम पंचायत में न हो रहल हई त उ प्रखण्ड में आवेदन देथिन। हो सकई छई उनका पहिले मिल गेल होतई।