नयाघाट मा जमी काई
जिला फैजाबाद, ब्लाक पूराबाजार, कस्बा अयोध्या नयाघाट। अयोध्या नयाघाट के पानी मा काई जमीं बाय। चारव तरफ कै गन्दगी वही मा भरी बाय। सालन से सफाई नाय भै बाय।
हनुमान प्रसाद पाण्डेय बताइन कि सफाई करावै के ताई रामपैड़ी के नाम पै पैसा आवा थै तौ साल मा यक बार सफाई करवाय दिया थे। पिछली बार सावन कै मेला आवय वाला रहा तौ सफाई भै रही। अब फिर सावन लाग गा यक साल होइगा लकिन सफाई नाय भै। छह-सात महीना पहिले सब विभाग कै अधिकारी आय रहे। पैसा लियै के ताई सब खुद साफ करे रहे। देखावटी मा सफाई भै रही। जब तक पैसा रहा थै तब तक अधिकारी रहाथिन वकरे बाद देखय नाय परते। अगर वहमा हाथ धोय लिया तौ खुजली होय जाय।
किशोर, श्याम, कुशुम देवी बताइन कि हमरे सबका रहत सात-साल होइगा। बहुतै गन्दगी बाय बदबू आवाथै। यसे मनई के बिमारी फैलाथै।
नगरपालिका कै चेयरमैन राधेश्याम यादव बताइन कि सफाई तौ हम करवाई थी लकिन मेला के कारण गन्दगी ज्यादा होय जा थै। तौ हम काव कै सकी थी।