जिला बांदा, तहसील बबेरू। हेंया 2 जून का दिन के तीन बजे विजय पाल तहसील दिवस मा आई दरखासन मा से एकतिस दरखास के गड्डी लीने सबका देखावत रहै। एस.डी.एम. प्रहलाद सिंह कारवाही करैं का कहिन हैं।
बबेरू ब्लाक के गुजेनी गांव का रहंै वाला विजयपाल बताइस-“मैं तहसील दिवस मा दरखास दें आये रहौं। दरखास दें के बाद मैं तहसील के पिछवाड़े पेषाब करैं गयेंव तौ कागज का ढेर परा रहै। मैं कागज देखैं लागंेव तौ उनमा 2 जून के तारीख परी रहै।
ब्लाक कमासिन गांव खमरखा मजरा अछरील का धर्मेष कुमार अउर सिमौनी गांव का भगवान दीन कहिन कि दरखासैं फेंके कूड़ा मा चली जात है। यहै मारै कारवाही नहीं होत आय। कारवाही होई जाय के आसरा मा दरखास देत हन।
एस.डी.एम. प्रहलाद सिंह कहिन कि तहसील दिवस के दिन दस बजे से दुई बजे तक आई दारखासन का रिकार्ड रजिस्टर मा चढ़ावा जात है। दरखास के रसीद भी मड़इन का दीन जात है। मोहिका दरखास फेकैं के मामला के जानकारी निहाय। पता लगवा के दरखास फेकैं वाले के खिलाफ कारवाही कीन जई।