कुंआ मा मिला लड़की कै शव

जिला अम्बेडकर नगर, ब्लाक भीटी, गंाव मिझौड़ा। 12 मार्च 2015 का बारह साल के एक लड़की कै शव कुंआ मा मिला जेकै पहचान सीताराम के बिटिया रीना के रुप मा भै। जवन 26 फरवरी षाम 6 बजे शौच जात समय रास्ता महसे गायब होय गै रहिन।
रीना कै महतारी कृपाली देवी बताइन कि 25 फरवरी का शाम छह बजे षौच गै रहिन। बहुत देर तक इन्तजार कइगै वापस नाय आइन। अर्जुनपुर गंाव के मुन्ना मिश्रा के गन्ना के खेत मा कुंआ बाय। वही कुंआ मा हमरे बिटिया कै शव यतना दिन बाद मिला। गंाव कै कुछ मनई गन्ना छीलै गा रहिन। जब गन्ध सबका पता चली तौ कुंआ मा देखिन तौ षव देखान। जब बाहर निकारागै तौ पहचान भै। रीना कै हाथ मुंह दुपट्टा से बांधा गै रहा।
पिता सीताराम कै आरोप बाय कि चककोड़ार गंाव कै रामजनम कै बिटिया काजल रीना कै सहेली रहिन। चैबिस घंटा उनके घरे रहिन वकरे बाद से रीना कै पता नाय चला। काजल बताइन कि 26 फरवरी का सबेरे सात बजे रीना हमरे घरे आई तौ पूरी दिन रात रहिन। 27 फरवरी का सात बजे हम उनका उनके घरे पहंुचावै लै जात रहेन। डाकघर तक गयेन तौ कहिन कि अब हम चली जाब। तौ हम रास्ता से वापस चली आयन।
अहिरौली थाना कै एस.ओ. राजेश यादव बताइन कि रीना के भाई धर्मेन्द्र के तहरीर पै अज्ञात के खिलाफ केस दर्ज भै बाय। मुकदमा अपराध संख्या 28/15 धारा 302 (हत्या), 201 (लाश को छुपा देना) लाग बाय। पोस्टमार्टम रिपोर्ट मा पता चला कि रीना कै हत्या कै गै बाय। जल्दी यकै पर्दाफाश कीन जाये।