कुंआ कै जगत टूटै से खतरा कै डर

जिला अम्बेडकर नगर, ब्लाक टांडा, गांव खरिकहियां। हिंआ लगभग पांच साल पहिले टूटी कुंआ कै जगत अबहीं तक नाय बनीं। जेसे मनइन का रात विरात गिरै का डर बना रहाथै।
गांव के अमरजीत, राकेश बताइन कि कुंआ कै जगत टूटे लगभग पांच छह साल से ज्यादा होइगा। दिन रात इधर से रास्ता चलाथै गांव से निकरै तौ पश्चिम चौरस्ता के बगल ही कुंआ बाय। लगभग हजार मनइन कै उधर से निकार बाय। कभौ भी कउनौ घटना होय सकाथै। गेदहरा अउर जानवर के ताई काफी दिक्कत बाय। जब तक घटना नाय हुवत तब तक कउनौ सुनवाई नाय हुवत।
प्रधान साइदा खातून बताइन कि गांव के उत्तर सड़क कै काम पूरा हुवय के बाद दक्षिण गांव कै काम पूरा होये। तब साथ मा कुंआ कै जगत भी बनवाय दीन जाये।