किस काम का है विभाग?

सीतामढ़ी जिला के सब प्रखण्ड में पी. एच. ई. डी. (लोक स्वास्थय अमियंत्रण विभाग) के कार्यालय खुलल हई। जेई के लेल सब जगह कर्मी बहाली कयल गेल हई। लेकिन काम सुचारू रूप से देखे के न मिलई छई।
जब कि एई विभाग के काम हई शौचालय निर्माण करावे के चापाकल हलबावे के अउर पेय जल पीनेवाला पानी शुद्ध पीये वाला पानी के देखरेख करे के हई। एई के अलावा खराब चापाकल के मरम्मत भी करावे के हई। लेकिन होई छई कहा। जइसे में शिवहर जिला में नौ सौ अड़तालीस चापाकल खराब हई। लेकिन विभाग के अधिकारी के कहना हई कि मरम्मत के लेल रूपईया न आयल हई।
जब एक छोट जिला के इ हाल त पुरे बिहार के कि हाल हई। शौचालय बनावे के लेल हमेशा नियम बदलाइत रहई छई। जइसे कि एई से पहिले एन. जी. ओ. के तहत बनइत रहलई। लेकिन अब लोग सब के अपने से बनावे के हई। जेकरा विभाग से सहयोग के हई। जेकरा विभाग से सहयोग राशि देल जाई छई। लेकिन इ सहयोग कोन काम के जे लोग सक्षम होईथिन उहे न बना पइथिन। जे मजदूरी सौ दुसौ के रोज कमाई छथिन उ केना बना पइथिन। जबकि सब घर में शौचालय होय के चाही कयला इ बहुत जरूरी हई। अभी वर्षात के समय शुरू हो गेल हई। जेई कारण काफी दिक्कत भी होई छई। लेकिन बहुत जगह बनलो हई त उपयोग करे के नियम न जनई छथिन।