खबर लहरिया ताजा खबरें का हो पाहें मांगे पूरी

का हो पाहें मांगे पूरी

धरना करत हेडमास्टर

धरना करत हेडमास्टर

ज़िला महोबा। केऊ समस्या से परेशान प्राथमिक स्कूल के हेडमास्टरन ने 9 दिसम्बर 2013 खा बेसिक शिक्षा अधिकारी कार्यालय में धरना दओ हे। कहो हे कि अगर हमाई मांगे पूरी न हांे हे तो हम 18 दिसम्बर 2013 खा लखनऊ में मुख्यमंत्री अखिलेश यादव के एते धरना देबी। जा धरना चैदह सूत्रीय मांगे खा पूरी करे खा करो हे। ईखे बाद मांग पत्र ए.डी.एम. के द्वारा मुख्यमंत्री खा भेजो हे।
हेडमास्टर चन्द्रशेखर, सत्यप्रकाश, राधेश्याम, सुशील, राजेन्द्र, रामश्याम ओर कालीचरन ने कहो कि हमाई चैदह मुख्य मांगे हंे।
-2006 के बाद से पदोन्नाति प्राप्त मास्टरन खा कम से कम 17 हजार 1 सौ 40 ओर 18 हजार 1 सौ 50 रूपइया का भुगतान मिले।
-मरें वाले मास्टरन के परिवार वालेन खा सीधे सीधे भर्ती करी जाये।
-सामूहिक बीमा एक लाख से तीन लाख तक की धनराशि कटौती जल्दी शुरू।
-रिटायरमेंट आयु उच्च शिक्षा के तहत 65 वर्ष के करी जाये।
कहो कि अगर हमाई मांग पूरी न हो हें तो हम दुबारा से आंदोलन करहे।
महोबा जिला के उप बेसिक शिक्षा अधिकारी बी.एस. तिवारी ने कहो कि मास्टर को धरना हमाये विभाग से नई जुड़ो हे। ऊने केन्द्र सरकार से आपन मांग पूरी करें खा धरना धरो हतो।