काले कोट वालों की खास पसंद है चित्रकूट जिले का आलू बंडा

कुछौ चटपटा खायें का मन होय तौ आलू बंडा जइसे चटपटा अउर स्वादिष्ट का होइ सकत हवै।सबै वकील अउर आवें जायें वालेन का आलू बंडा पसंद हवै। चित्रकूट जिला के कर्वी कचहरी मा अधिवक्ता संघ बलवान गृह मा आलू बंडा बनत हवै। चार साल से या कैंटीन मा बनत आलू बंडा का हजारन मड़ई पसंद करत हवैं।
हरीश्चन्द्र का कहब हवै कि बंडा मा आलू बेसन रहत हवै अउर खटाई भी रहत हवै।हिंया ताजे बंडा खायें का मिलत हवै, यहै कारन नींक लागत हवै। श्याम सुंदर ने बताया कि दूसर जघा से हिंया के बंडा स्वाद मा नींक रहत हवै। कंचन सिंह का कहब हवै कि तीन महीना से हिंया बंडा खात हौं।हिंया के बंडा अउर दूसर जघा के बंडा के मसाला मा फर्क हवै।
कैंटीन मालिक संतोषी लाल का कहब हवै कि हमार दुकान मा बड़े बंडा बनत हवै, यहै कारन मड़ई ज्यादा पसंद करत हवै। दुइ बंडा के जघा मड़इन का एक बंडा मा पेट भर जात हवैं अउर पैसा भी कम लागत हवै।

रिपोर्टर- नाजनी रिजवी

Published on Jan 25, 2018