चार बजे बांदा से राठ का जात बस
जिला बांदा। कालिंजर से राठ अउर राठ से कालिंजर खातिर दुई अनुबन्धित बसैं 28 जुलाई 2013 से पांच साल खातिर चलाई गई हैं। यहिसे अब कालिंजर से सीधे राठ जाये वाले यात्रिन का सुविधा होइगे है।
जिला बांदा, ब्लाक महुआ,गांव खोही। हेंया का रहैं वाला रामबाबू शर्मा बस मालिक आय। बस मालिक बताइस कि एक बस का नम्बर यू.पी. 90 टी. 3112 अउर दूसर बस का नम्बर नम्बर यू.पी. 90 टी. 2416 है। बांदा से कालिंजर अउर राठ खातिर बहुतै बस रहै। कालिंजर से सीधे राठ खातिर एक भी बस नहीं रहै। यात्रिन का आवैं जाय मा बहुतै दिक्कत होत रहै। यात्रिन का सुविधा दें अउर आपन कमाई खातिर या रोड मा बस चलवाई गे है। तबै से खूब सवारी मिलत हैं।
कालिंजर से राठ जाय वाले राजू, सोनू, अउर दीपिका बतावत हैं कि उंई राठ के रहैं वाले आय। कालिंजर घूमैं का बहुतै मन रहै। दुई तीन दरकी साधन बदलै के कारन नहीं आवत रहैं। सीधे साधन का पता लगतै हम परिवार समेत कालिंजर किला घूमैं खातिर आये हन। अब वापस जाय खातिर भी सीधे साधन मिल गा है।