कालाजर रोगी
जिला शिवहर के सदर अस्पताल में भर्ती भेल कालाजर रोगी के निडिल अउर पाइप खुद खरीदे के परई छई। जईसे उनका सब के परेशानी हो रहल हई।
कालाजर रोगी रूकसार खातून, षान्ति देवी, लक्ष्मीनिया देवी सब कहलथिन कि इहां लगभग आठ लोग भर्ती छथिन। सब के पानी चढ़ावेला निडिल अउर पाईप अढ़ाई सौ रूपईया में अपने से खरीद के लावे परई छई। खून जॉच भी अपने से करावे के परल, ओहु में पांच सौ रूपईया लगल। खाना भी भर पेट न देई छई। अईसे में लोग अस्पताल में केना रहतई? हमसब गरीब छी ऐतना रूपईया कहां से लगायब अउर व्यवस्था करब? सरकारी अस्पताल में त सब सुविधा मंगनी में ही देल जाई छई। लेकिन इहां त अपने ही रूपईया लगावे के परई छई।
सदर अस्पताल के स्वास्थ्य प्रबंधक सुधीर कुमार कहलथिन कि निडिल अउर पाईप अस्पताल में अयबे न करई छइ त हम कहां से देबई? बाकी खाना रोगी अउर उनका साथ एक लोग के मिलई छई। खाना त नियम से अउर मिनु के हिसाब से ही मिलई छई। बाकी सारा दवाई अस्पताल से ही देल जाई छई।