जिला फैजाबाद अउर अम्बेडकरनगर मया ब्लाक कै एक ऐसा गांव जहां पांच साल से खडंजा पै पानी भरा रहाथै न प्रधान ध्यान दियत अहैं न ही कउनौ अधिकारी देखै आइन। जब जनता मांग कराथै तौ उनकै बात अनसुनी कै दीन जाथै जबकि सिर्फ गांव कै मनई ही नाय इंटर कालेज कै गेदहरै भी यही कीचड़ भरे रास्ता से स्कूल जाथिन।जिला फैजाबाद अउर अम्बेडकरनगर मया ब्लाक कै एक ऐसा गांव जहां पांच साल से खडंजा पै पानी भरा रहाथै न प्रधान ध्यान दियत अहैं न ही कउनौ अधिकारी देखै आइन। जब जनता मांग कराथै तौ उनकै बात अनसुनी कै दीन जाथै जबकि सिर्फ गांव कै मनई ही नाय इंटर कालेज कै गेदहरै भी यही कीचड़ भरे रास्ता से स्कूल जाथिन। गायत्री वर्मा कै कहब बाय कि येही रास्ता से बोझ लइके आइत जाईथी डर लाग रहाथै कि कहूँ फिसल के गिर गयन हाथ पैर भी टूट जाये।बहुत बार मांग करेन लकिन न प्रधान सुनै न अउर कउनौ अधिकारी। प्रदीप कुमार बताइन कि जलभराव लगभग तीन साल से बाय। गांव कै रामबहाल वर्मा ईट रख लिहे बाटे जेसे पानी नाय बहि पावत। उनकै बैनामा कै जमीन वहि बाय लकिन जगह निश्चित नाय बाय की कहां बाय। ना तौ नाली पास भए बाय। सड़क बिजली, पानी, खडन्जा गांव कै मूलभूत सुबिधा हुआथै लकिन बनघुसरा गांव कै मनई सिर्फ ढाई सौ मीटर सड़क बनवावे कै मांग पचासन बार करिन तबौ सुनवाई नाय भए।गांव के मनइन के अनुसार पिछली बार से ही इनकै प्रधानी बाय लकिन कहाथे अभी सड़क कै कार्ययोजना ही नाय पास भए। महेश कै कहब बाय कि चुनाव के समय पूर्व विधायक अभय सिंह सरैया स्कूल पै आय रहिन। उनसे भी शिकायत कीन गए तौ वै कहिन कि ई हमार काम न आय प्रधान करिहै। पर प्रधान का येहि गांव कै समस्या नाय देखात बाय। अखिलेश वर्मा कै कहब बाय कि दुबारा प्रधानी का भी डेढ़ साल बीतगा जिद बस नाय बनुवावत अहैं।मनई गुड लिया थै विकास के ताई यै गोद लिए बाटे कुछ विकास नाय करत अहैं। प्रदीप सिंह प्रधान प्रतिनिधि कै कहब बाय कि मांग कीन गए बाय जब कार्यवाही पूरी होये तब काम होये।लगभग बीस साल होइगा खडंजा लागे येहि गांव मा नाली नाय बाय जेसे समस्या बाय। टीला पै गांव बसा बाय नाली निकरै कै जगह नाय बाय।अंडर ग्राउण्ड पाइप डलवाय जाये। तब काम होये।गांव कै रामबहाल वर्मा ईट रख लिहे बाटे उनसे के झगरा करै जाय।
रिपोर्टर- संगीता
28/06/2017 को प्रकाशित
