अनशन करत परिवार
जिला बांदा, ब्लाक बबेरू, गांव सिमौनी। हेंया का राजकरन 28 मई 2013 का बांदा अशोक लाट तरे अनशन करिस। कारवाही के नाम मा पुलिस कहिस कि वहिका या मामला के जानकारी ही निहाय।
दलित राजकरन अउर वहिके मेहरिया बतावत हैं-“हमरे सात साल के लड़का प्रहलाद के साथै इस्माइल कोटेदार 30 मार्च 2013 का बलात्कार करिस। बहुतै दउड़ भाग के बाद इस्माइल कोटेदार के ऊपर एस.सी./एस.टी. एक्ट (अनुसूचित जाति के विरूद्ध कानून) के तहत मुकदमा लिख गा। साथै कइयौ धारा लाग हैं । अब इस्माइल कोटेदार मुकदमा वापस लें का दबाव बनावत है। या भी धमकी देत है कि अगर मुकदमा वापस न लेहौ तौ जान से मार दीन जइहौ। रास्ता बीच गाली गलौज मारपीट करत है। आपन परिवार के जान बचावैं खातिर पुलिस विभाग से नियाव के मांग कीन है।”
अपर एस.पी. स्वामी प्रसाद कहिन-“या मामला के जानकारी मोहिका निहाय। अनशन के बारे भी पता निहाय। उंई लोग मोरे पास आवैं उनके सुनवाई जरूर होई।”
