कस्बा के शोभा बढ़ावत अधबना तालाब

जिला बांदा, ब्लाक नरैनी, कस्बा नरैनी। हंया नगर पालिका कइत से बाम्बा तालाब के सुंदरीकरण का काम 1 जुलाई 2014 से चलत है, पै आज भी अधूरा है। कस्बा वालेन के मांग है कि तालाब जल्दीे बन जाय।
मोहल्ला देविन नगर के राजू, घनश्याम अउर शिवपूजन का कहब है कि नरैनी कस्बा मा या तालाब बनै से सुंदरता बढ़ गे है। मड़ई अउर बच्चा शाम सुबेरे घूम फिर सकत हैं। जइसे शहरन मा पार्क बनाये जात हैं। वहिनतान या तालाब भी कउनौ पार्क से कम निहाय।
जानकी, सिया अउर रेखा कहत हैं कि तालाब का सुन्दर बना देख हम शाम सुबेरे कुछ देर खातिर घूमैं जात हन। या तालाब का पार्क जइसे बनवावा तौ गा है, पै पूरीतान से नहीं बना। पानी पियै वाली टंकी निहाय टोटी लगा के छोड़ दीन गा है। शौचालय के स्थिति भी ठीक निहाय। जबैकि या तालाब बनत एक साल से ज्यादा समय बीत गा।
नरैनी चेयर मैन सुनीता चैरसिया के पति राकेश चैरसिया का कहब है कि नगर विकास के बजट से तालाब का सुन्दरीकरण करवावा गा है। अलग से कउनौ बजट निहाय। अब बजट खतम होइगा है। यहिसे तालाब अधूरा है। बजट आवैं के बाद पूर होई।