खबर लहरिया ताजा खबरें करमचारी करत कलमबन्द धरना

करमचारी करत कलमबन्द धरना

करमचारी बेठे अनशन में

करमचारी बेठे अनशन में

ज़िला महोबा में सब विभागन के करमचारी सुबह दस बजे से शाम पांच बजे तक 12 नवम्बर 2013 से आपन-आपन तहसीलन में कलमबन्द धरना करे हें। जे धरना सत्ताइस सूत्रीय मांगन खा लेके अश्चित कालीन हे, पे सरकार केती से अभे तक कोनऊ आश्वासन नई मिलो आय। आम जनता धरना से बोहतई परेशान हे।
महोबा जिला में 12 नवम्बर 2013 से पी.डब्लू.डी., जल निगम, लेखपाल, आंगनवाड़ी ओर सफाई करमचारियन के साथे पूरे विभाग के करमचारी धरना करे हें। जीसे विभागन में काम बन्द चलत हे। ई अनशन से विभागन में सन्नाटा छाओ हे।
करमचारी आयोग के अध्यक्ष इन्जीनियर एम.पी. सिंह ओर मंत्री सुलेमान खान ने कहो कि जभे तक हमाई मांगे पूरी न होंहें तभे तक अनशन न टोरबी। ऊखी मांगन में नये करमचारियन के लाने पेंशन योजना ओर क्षेत्र में जाके काम करे वाले करमचारियन खा यात्रा भत्ता देब मुख्य मांगे हंे।
आंगनवाड़ी पूर्णिमा ओर नीलम कहत हें कि सरकार हम लोगन से काम सबके बराबर करवाउत हे, ओर तीन हजार रूपइया एक महीना में मिलत हे। जीसे परिवार पालब मुश्किल हे। एई से अब हम खा मानदेय नई वेतन चाही।