सरस्वती देवी
जिला शिवहर, प्रखण्ड तरियानी, पंचायत गांव बेलहिया बह्मस्थान से उत्तर, वार्ड नम्बर नौ। इहां सरस्वती देवी के पति स्व. रालोचन साह के मरला सात साल हो गेलई। लेकिन अभी तक इनका इंद्राआवास न मिललई।
जबकि इनकर नाम बी.पी.एल. में हई। उ कहलथिन कि हमर शादी के लगभग पच्चीसो साल हो गेल लेकिन अभी तक इन्द्राआवास न मिललक। ऐही जगह सब के मिल गेलई त घरो दुआर बना लेलकई। हमर त अभी नामो निशान न हई। इन्द्राआवास के फर्म भरे के लेल पंचायत से लेके प्रखण्ड तक गेली। लेकिन कोनो लोग हमरा जानकारी न देलक कि इन्द्राआवास के लेल कोन प्रकिया करे के होतई। हमरा दु गो बच्चा हय,एगो हम अपने छी,केना ऐइ फूस के धर में जीवन वितबइ छी से त हमही जनई छी। भदवारी के दिन में त एतना रहे के साध ने रहइय। इहां तक कि तीन बेर प्रखण्डमें भी ऐई काम से गेली, लेकिन हमर काम न भेलक। तीन साल पहिले पंचायत में एगो आदमी के दुगो फर्म भरके देली,एगो विधवा पेन्सन के लेल दोसर इन्द्राआवास के लेल त विधवा पेन्सन मिलइय। लेकिन इन्द्राआवास अभि तक न मिलल।
मुखिया उपेन्द्र साह कहलथिन कि इन्द्राआवास त बी.पी.एल.संख्या से मिलइ छइ। उनकर बी.पी.एल.संख्या देखे के होतई।
प्रखण्ड पदाधिकारी साह राजा हुसैन कहलथिन कि हमहु त नये आयल छी। एकड़ जॉच पड़ताल करे के होतई की कहां पर दिक्कत हई।