कम्बल लियै आये मनइन का नाय मिला कम्बल

जिला फैजाबाद, ब्लाक मया, ग्रामसभा अंकारीपुर। हिंआ प्रधान छह मेहरारू का कहिन कम्बल मिले। ब्लाक पै चली जाइव। जाय के बाद कम्बल नाय मिला।
सरजू देई राजभर, सुहागी, धना, सुरस्वती, गंगादेई अउर राजदेई बताइन कि प्रधान कहिन 26 दिसम्बर का कम्बल मिले। ब्लाक पै सब जनी जाइव। जब ब्लाक पै सबेरे 9 बजे बिना खाये पिये आयन तौ वहिकै कर्मचारी कहिन कम्बल 25 दिसम्बर का बंटि गै। प्रधान का जब पता नाय रहा तौ हमरे सबका यहि ठण्डी मा काहे भेज दिहिन। जब सबेरे कहेन कि हमरे सबके साथे कम्बल दिवावै चला तौ कहिन हम दुसरे काम से जात हई। हमरे सबका कम्बल नाय मिला।
तहसीलदार गिरीश कुमार झा बताइन कि 25 दिसम्बर मया ब्लाक पै कम्बल बांटा गै। अब न बंटे।