सूरज सिंह
जिला महोबा, ब्लाक जैतपुर, गांव नरवारा। ई गांव के सूरज सिंह खा आरोप हे कि में एक साल से अपनीे खेती की नाप कराये खा कहत हों, पे लेखपाल महेन्द्र खेती नापे खा तैयार नई होत आय।
सूरज सिंह ने बताओ कि मोई एक एकड़ जमीन हे। जीखी नाप अभे तक नई भई आय। जभे कि 25 नवम्बर 2014 खा एस.डी.एम. ने आदेशित भी करो हतो। जभे आदेश होय के बाद भी मोई खेती नई नापी गई हे तो मेंने दुबारा से 16 दिसम्बर खा कुलपहाड़ तहसील में दरखास दई हे। लेखपाल मोई खेती काय नई नापत हे मोये पता नई चलत आय। लेखपाल हर दइयां बुलाउत हे कि में तुम्हाये साथे चलके खेत नापहों, पे जभे में आ जात हों तो लेखपाल नई जात आय। लेखपाल महेन्द्र ने बताओ कि सूरज सिंह के जमीन को मुकदमा अदालत में चलत हतो। एईसे ऊखे खेत की नाप नई करी गई हे। अब एस.डी.एम. ने आदेशित करो हे तो ऊखे खेत की नाप करा दई जेहे।