महतारी बाप
जिला बांदा, ब्लाक तिन्दवारी, गांव अतरहट अउर गोधनी। इं दूनौ गांवन मा कतौ दारू पीयैं का लइके तौ कतौ हिस्सा का लइके लड़ाई भे है। दूनौ मामला थाना मा आये हैं, पै कारवाही नहीं भे आय।
अतरहट गांव का रामाधार बतावत है कि मैं आपन दुकान मा बइठ रहौं। तबै 2 मई 2014 का गांव का दीन दयाल आवा अउर मोहिसे दारू पियैं खातिर रूपिया मांगै लाग। तबै मैं दीन दयाल का एक शीशी दारू लइके दीनेंव। दारू पियंै के बाद दीन दयाल मोहिका बिना कुछ कहे गाली गलौज करैं लाग। गाली दें से मना करैं मा लपट पड़ा अउर मारपीट करिस है। यहिके दरखास मैं चिल्ला थाना मा दीन हांै। चिल्ला थाना का दरोगा कमलेश सिंह यादव कहत है कि दूनौ लोग दारू पी के मारपीट करिन हैं तौ दूनौ के चोट आई हंै। यहिसे धारा 151/107/116 के तहत पैलानी एस.डी.एम. अदालत खातिर चालान कई दीन गा है।
गोधनी गांव का दिलीप अउर वहिके मेहरिया पूनम कहत हंै कि हमार सास राम दुलारी ससुर देवराज हमका हिस्सा नहीं देत आय। पूनम कहत है कि मनसवा परदेश कमाय चला जात है तौ जेठ किशोर गाली गलौज है। पिछले साल जेठ कमल किशोर इनतान मारिस रहै कि मोर पेट मा पलै वाला बच्चा मर गा रहै। यहिसे तिन्दवारी थाना मा दरखास दीने हौं।
पूनम का ससुर देवराज कहत है कि हिस्सा दे का तैयार हौं। इं मोरे गर्दन मा तमंचा लगाये रहे हैं। राम दुलारी कहत है कि इं हमार खाब पियब मुश्किल करे है। तिन्दवारी थाना का दरोगा राकेश पाल कहत है कि बंटवारा का विवाद आय। दूनौ का समझा दीन जई।