कड़ी सुरक्षा के बीच भै मतदान, सपा कै भै जीत

जिला फैजाबाद। बीकापुर विधानसभा क्षेत्र के उपचुनाव कै मतगणना 16 फरवरी का भै। जेहमा समाजवादी पार्टी कै प्रत्याशी आनन्दसेन कड़ा मुकाबला मा राष्ट्रीय लोकदल के प्रत्याशी मुन्ना सिंह चैहान का छह हजार चार सौ चालिस वोट से हराय के जीत दर्ज करिन। बाकी बचे भाजपा ए.आई.उम.आई.एम., कांग्रेस पीस पार्टी जैसे दसन प्रत्याशी के जमानत जब्त होइगै।
16 फरवरी का राजकीय इण्टर कालेज मा कड़ी सुरक्षा के बीच उपचुनाव मा पड़े वोटन कै गिनती सबेरे आठ बजे से शुरू भै। शुरू मा मुन्ना सिंह चैहान आगे चलत रहे। लकिन आधे गिनती के बाद पीछे होइ गये। सपा प्रत्याशी का अड़सठ हजार पांच सौ छान्नवे वोट मिला। वही राष्टीय लोकदल प्रत्याशी मुन्ना सिंह चैहान का बासठ हजार चार सौ छप्पन वोट मिले। तीसरे अउर चैथे स्थान के ताई भाजपा अउर ए.आई.एम.आई.एम. के बीच कड़ा संर्घष रहा।
विजयी प्रत्याशी आनन्दसेन यादव कहिन कि क्षेत्र के विकास के ताई बाबूजी के अधूरे काम का पूरा करब पहली प्राथमिकता आय। जीतै के खुशी मा सबकै आभार जताइन।