कउनौ योजना का नहीं मिलै लाभ

जिला चित्रकूट, ब्लाक कर्वी, गांव कोल गदइया के रहैं वाली पुनइया का आरोप हवै कि वहिके लड़की शाहिदा का कउनौ भी सरकारी योजना का लाभ नहीं मिलत हवै। यहिके खातिर वा 7 जून का तहसील दिवस मा कवी्र एस.डी.एम. रजनीश कुमार का लिखित दरखास दें खातिर आई रहै। शाहिदा का कहब हवै कि मैं दूनौं आंखिन से आंधर हौं। महतारी बाप भी बूढ़ हवैं। मोहिका शौचालय नहीं मिला आय। यहिसे रात बिरात टट्टी करैं खातिर जाये मा समस्या का सामना करैं का परत हवै। मोरे लगे रहैं खातिर घर तक नहीं आय। भाई कहत हवै कि तैं हमरे घर से निकर जा अउर जहां जाये का होय तौ जा सकत हवै। यहिसे सोचत हौं कि सरकार कइती से एक कालोनी अउर शौचालय मिल जात तौ थोइ आराम होइ जात।
कर्वी एस.डी.एम. रजनीश कुमार मिश्र का कहिन कि सरकार कइती से कालोनी अउर शौचालय अइहैं तौ दीन जइहें ।

रिपोर्टर – तबस्सुम