कइयौ गांव मा फैला दिमागी बुखार

जिला फैजाबाद, ब्लाक तारुन। हिंआ के कइयौ गांव बूढ़ापुर, बढ़इया गांव मा दिमागी बुखार फैलय से मनई बहुत परेषान अहैं। इलाज जिला अस्पताल से करावै के बावजूद ठीक नाय हुवत बाय।
बूढ़ापुर कै संजय, जियावन कै कहब बाय कि गेदहरा सयान सबकै तेज बुखार अउर उल्टी दस्त से बुरा हाल बाय। बहुत दवाई करावै के बादौ ठीेक नाय हुवत बाय। स्वास्थ्य केन्द्र पै भी दवाई कराय के थक जात अहैं। लकिन पता नाय कवन बुखार आय ठीक हुआथै। फिर रख लियाथै।
बढ़इया कै सुनील, संजय कै कहब बाय कि दुई दिन ठीक रहाथै। 13 सितम्बर षनिवार का जिला मलेरिया अधिकारी स्वतन्त्र कुमार अउर मलेरिया निरीक्षक संतोष कुमार तिवारी जैसेन कइयौ अधिकारी जांच के ताई आय रहे। जांच कइके दवाई पूरे गांव मा छिड़कवाये अहैं जेसे मच्छर कै पैदावार न बढ़ै। अउर कुछ मनई कै खून जांच के ताई लै गा अहैं।
मुख्यचिकित्सा अधिकारी डाक्टर निर्मल कुमार बताइन कि जांच के ताईं टीम भेजी गै रही। एक सौ उनसठ मनई कै खून जांच के ताई लाय अहैं। हुवां के कइयौ गांव मा दिमागी बुखार फैला बाय।जांच के बाद पता चले। गांव मा दवा भी छिड़कवाई गै बाय। जेसे मच्छर कै प्रकोप न बढ़ै।