समा बनबैत कंचन देवी
जिला सीतामढ़ी, प्रखण्ड रीगा, पंचायत, गांव कुसमारी। उहां वार्ड नम्बर चैदह के कंचन देवी लगभग बीसों साल से फरमा पर सामा बनबई छथिन। जइसे उ एक सीजन में लगभग बीसों हजार के सामा बेचई छथिन।
कंचन देवी कहलथिन कि हम कार्तिक महिना आवे से दु महिना पहिले ही सामा बनबे लगई छी। दिपावली से आठ दिन पहिले से सबके रंगे लगई छी। हम सामा बनाबे वाला लगभग पचिसो फर्मा रखले छी। अभि एक सीजन में सामा बनाबे पर रंग, पेन्ट, र्फमा अउर मिट्टी सब लेके पांच हजार रुपईया पूंजी लग जाई छई। मिट्टी साने अउर बनाबे में मेहनत अलग से करे के परई छई। हर साल बारह से पंन्द्रह सौ सामा बनबई ले। गांव में, बाजार में बेचली अउर हमरा से अगल-बगल के गांव पकड़ी, खरसान, बराही के व्यापारी भी खरीद के ले जाई छथिन। इहां बीस से लेके सत्तर रुपईया तक के सामा बिकई छई। हमरा घर में हमर पति भी भगबान के मूर्ति बनबई छथिन। जइमें हमर दुनू बेटा भी सहयोग करई छई।