ओवरब्रिज बिना परेशान जनता

जिला फैजाबाद, ब्लाक मया, कस्बा गोषाईगंज। हिंआ के रायगंज क्रासिंग पै सुबह षाम के समय बहुत जाम लाग रहाथै। डेढ़ घंटा तक मनई अउर स्कूली गेदहरन का झेलै का पराथै।
हनुमान सोनी, दुर्गेष गुप्ता, मोहम्मद अहम बताइन कि ई दिक्कत बहुत समय से चलत बाय जबसे सब्जी मण्डी बनी बाय तब से बहुत परेषानी होय जाथै। सबेरे सब्जी मण्डी का सब्जी गाड़ी कै गाड़ी जाथै वही मा कोचिंग करै वाले गेदहरै से भीर लाग जाथै। केतनौ जल्दी रहै तबौ एक घंटा से ज्यादा लाग जाथै। दिनेष, जयललिता, दीपा बताइन हमरे सब दसन साल से हिंआ पै ओवरब्रिज बनै की खातिर अप्लीकेषन रेलवे विभाग का दियत बाटेन।
चेयरमैन रमेष चन्द्र कषौधन बताइन कि पन्द्रह दिन भै दस बारह जने मिलके जिला एस.डी.एम. का अप्लीकेषन दइके मांग करे हई।