एस.पी. से नियाव के मांग

जिला बांदा, शहर बांदा, मोहल्ला परशुराम तालाब। हेंया के सीता 23 फरवरी का एस.पी. का दरखास दइके नियाव के मांग करिस। वहिका आरोप है कि 20 जनवरी का मोहल्ला के ही रहै वाले रामचरन,रामरतन अउर अजय मोरे घर मा चोरी करिन रहैं। अब उंई फेर से धमकी देत हैं कि हमरे खिलाफ कारवाही करे हा तौ जान से मार देइबे अउर 22 फरवरी का गाली गलौज करिन है, पै कालू कुंआ चैकी वाले सुनाई नहीं करत आय।
सीता का कहब है कि 20 जनवरी के रात मोरे घर के चोरी करिन रहैं। जेहिमा मोर लगभग एक लाख रुपिया का सामान चला गा। मैं कालू कुंआ चैकी मा दरखास दीनेंव, पै पुलिस मोरे दुआरे झांकै हेरैं नहीं गे कारवाही करब तौ दूर के बात है। जबै से उंई मोहिका बराबर परेशान करत है। जान से मारैं के धमकी देत हैं। मैं अकेल औरत उंई लोगन के मारे कलमा रहैं नही पावत आहूं। 22 फरवरी का जब गाली गलौज करिन अउर मारैं का धमकी दिहिन तौ फेर कालू कुंआ चैकी गयं तौ चैकी वाले कहत रहैं कि गरीबन के हेंया सुनाई नहीं होत। या मारे एस.पी. के पास आई हौं।
एस.पी. का कहब है कि अबै ही कालू कुंआ चैकी का आदेश करत हौं कि वा जांच कइके कारवाही करै।